Condicións sobre a protección de datos persoais

Os datos persoais recollidos neste formulario, incluída a fotografía achegada para a súa identificación presencial, serán tratados pola Secretaría Xeral Técnica da Consellería de Cultura, Lingua e Xuventude, na súa condición de responsable, coa finalidade de xestionar o seu acceso aos servizos bibliotecarios a través da Rede de Bibliotecas de Galicia e remitirlle información respecto destes.

A base lexitimadora do tratamento dos datos é o cumprimento dunha misión realizada en interese público fundamentada no disposto na Lei 5/2012, do 15 de xuño, de bibliotecas de Galicia.

No caso de envío de información sobre servizos e actividades da biblioteca, a base lexitimadora é o consentimento da persoa interesada.

Informámoslle así mesmo que poderán ter acceso aos datos persoais as entidades titulares das bibliotecas integradas na referida Rede de Bibliotecas de Galicia, como colaboradoras na prestación dos servizos.

As persoas interesadas poderán solicitar ante o responsable do tratamento o acceso, rectificación, limitación e supresión dos seus datos, así como opoñerse ao seu tratamento, a través da sede electrónica da Xunta de Galicia ou nos lugares e rexistros establecidos na normativa reguladora do procedemento administrativo común, segundo se recolle en https://www.xunta.gal/exercicio-de-dereitos. Así mesmo, poderán exercitar estes dereitos ou retirar o consentimento outorgado para o envío de información sobre servizos e actividades dirixíndose á súa biblioteca.

Contacto co delegado/a de protección de datos e máis información en https://www.xunta.gal/informacion-xeral-proteccion-datos.

Condicións para o préstamo de dispositivos electrónicos e outros obxectos

• Debe facer un uso responsable do dispositivo, empregándoo unicamente para fins lícitos. Comprométese a non descargar ou visualizar contidos cos que vulnere o dereito á propiedade intelectual.
• Debe asegurarse de que coñece o funcionamento do dispositivo, para evitar manipulalo de forma incorrecta. Non empregará accesorios non compatibles ou en mal estado que poidan supoñer un risco para o equipo.
• Prestará especial coidado á hora de acceder a páxinas web ou arquivos susceptibles de introducir virus ou outros programas maliciosos.
• Os arquivos e contidos persoais que grave no dispositivo non se conservarán para posteriores usos. A biblioteca non se fai responsable da perda dos contidos persoais que puidesen permanecer no equipo.
• Debe devolver o dispositivo nas mesmas condicións nas que o recolleu, incluíndo os seus accesorios e periféricos, cando os teña (cargador, funda, teclado, rato, etc). De igual forma, debe manter a configuración do software tal como foi entregado.
• No caso de que se produza unha perda ou dano no equipo ou nalgún dos seus accesorios, comprométese a reparalo ou substituílo por outro análogo. As condicións de reparación ou substitución serán establecidas pola biblioteca.
• A biblioteca pode establecer outras normas adicionais en función das características do obxecto prestado. A persoa usuaria debe asegurarse de coñecelas antes de efectuar o préstamo.